"Tortosa" (Contén)

PERSOEIRO

Escritor e político. En 1845 trasladouse a Madrid onde fundou o xornal La Organización del Trabajo, defensor do fourierismo, e colaborou na sociedade secreta Los Hijos del Pueblo. Exiliado en Londres (1851-1854), entrou en contacto co socialismo internacional. Ao seu regreso publicou o xornal Las Barricadas e un opúsculo no que defendía a República federal, que lle custou un novo desterro, esta vez en Lisboa e Londres. Regresou co Sexenio e foi elixido deputado por Cádiz (1869) e por Sevilla (1872), e nomeado intendente xeral de Filipinas ao proclamarse a República. Coa Restauración exiliouse ata finais de 1879. Entre as súas obras cómpre citar La república democrática federal universal (1856) e Historia de las clases trabajadoras (1870). Baixo o pseudónimo de Alfonso Torres de Castilla publicou a obra en seis volumes Historia de las persecuciones políticas y religiosas (1863-1866).

MUNICIPIOS

Municipio da provincia de Tarragona, Catalunya (28.933 [2001]). Na agricultura destacan os cultivos de oliveiras, amendoeiras e arroz. É importante a avicultura, que se converteu nunha actividade económica de primeira orde. Tamén posúe industria alimentaria, metalúrxica, téxtil, de madeira, química, de materiais de construción e de confección.