"Tours" (Contén)

Mostrando 4 resultados de 4.

  • Berenguer de Tours
    Escoitar

    PERSOEIRO

    Teólogo e filósofo francés. Aplicou as regras da Dialéctica á Teoloxía. Na doutrina da Eucaristía sostivo que na transubstanciación non desaparecía a substancia do pan e do viño.

    VER O DETALLE DO TERMO
  • Gregorio de Tours, san
    Escoitar

    PERSOEIRO

    Historiador e bispo de Tours (573-594). Enfrontouse aos arianos e escribiu diversos libros de devoción e haxiografías, pero destacou especialmente polo súa Historia Francorum. Na iconografía viste de pontifical e leva como atributos un relicario e un peixe monstruoso. A súa festividade celébrase o 17 de novembro.

    VER O DETALLE DO TERMO
  • Martiño de Tours, san
    Escoitar

    (Panonia 316? - Turena 397) Bispo de Tours (371-397), fillo dun tribuno militar. Foi exorcista en Poitiers, xunto a santo Hilario, que o ordenou sacerdote. Elixido bispo de Tours, o seu episcopado marcou o triunfo do cristianismo no O de Galia e organizou numerosos mosteiros, dos que destaca o de Marmoutier. En Galicia ten un dos cultos máis antigos e considérase protector da colleita do viño e do gando bovino e porcino, e avogoso dos perigos da fame da guerra e tamén dos camiñantes. A súa representación máis coñecida é na que parte a capa para repartir cos pobres. A súa festividade celébrase o 11 de novembro.

    VER O DETALLE DO TERMO
  • Tours
    Escoitar

    CAPITAIS

    Capital do departamento de Indre-et-Loire, Francia (132.820 h [1999]). Situada na confluencia dos vales do Loire e do Cher, a base da súa economía é o sector terciario, xa que é o centro turístico do val do Loire e un punto de redistribución de carbón e produtos petrolíferos. O sector industrial experimentou unha certa intensificación grazas á descentralización da área de París. Ocupada polos visigodos (s V), en 507 foi conquistada polos francos. Foi un centro relixioso de prestixio. Do seu patrimonio cultural destaca a catedral de Saint-Gatien (ss XIII-XVI).

    VER O DETALLE DO TERMO