"asuar" (Contén)

Termo do barallete, xerga dos afiadores e paraugueiros, que corresponde á voz ‘queimar’.

de asuar.

Termo do barallete, xerga dos afiadores e paraugueiros, que corresponde á voz ‘ferreiro’.

Termo do barallete, xerga dos afiadores e paraugueiros, que corresponde á locución ‘botar a perder’.

Xénero de árbores ou arbustos, da familia das casuarináceas, endémicos do sueste asiático, de Australia e das illas do Pacífico sudoccidental. Este xénero, que comprende unhas 50 especies, é propio de medios áridos e presenta as follas reducidas como se fosen pequenas escamas que se dispoñen en verticilos sobre as pólas; estas son verdes, articuladas e estriadas, e teñen capacidade fotosintética. Son plantas monoicas ou dioicas, con flores unisexuais e polinización anemófila, con froito en sámara. En Galicia está presente como ornamental a especie C. equisetifolia en xardíns e alamedas.

Ave do xénero Casuarius, da suborde das casuariformes, de ata 1,8 m de altura e con ás reducidas. A cabeza presenta unha crista córnea aplanada de máis de 15 cm, coa pel e o pescozo azuis. Algunhas especies teñen papadas pendurantes de cor amarela, laranxa ou vermella. As plumas, de cor negra, semellan pelos, ao careceren de barbas e pendurar do corpo. Posúen tres dedos, un deles situado na parte interior e cunha uña afiada. Son animais omnívoros que viven en parellas ou grupos familiares nas selvas tropicais do norte de Australia, Nova Guinea e illas adxacentes. A especie C. unappendiculatus, denominada comunmente casuario dunha soa crista , mide ata 1,8 m de altura e vive en selvas pantanosas, preto da costa ou xunto aos ríos de Nova Guinea. A especie C. bennetti, denominada casuario anano , mide ata 1 m de altura e vive nas selvas montañosas da maior parte de Nova Guinea.

Xénero de aves da orde das casuariformes ao que pertence o casuario.