cintura

Parte máis estreita do tronco do ser humano baixo a caixa torácica.

Arco óseo propio dos vertebrados, de estrutura moi simple nos peixes, nos que é libre; situado entre a musculatura ventral, está constituído por un óso de tipo endocondral e non está relacionado coa columna vertebral. Nos crosopterixios aparecen bosquexos do que ten que ser a cintura pelviana nos tetrápodos. Nos vertebrados superiores e, polo tanto, no ser humano, está formada polos ósos ilíacos e o sacro.

Anel óseo propio dos vertebrados constituído nos peixes por unha peza esquelética relacionada co cranio, formada por un óso de tipo endocondral e reforzada por un óso de membrana. Nos tetrápodos e, polo tanto, no ser humano, está formada por tres ósos pares: o torácico (que nos mamíferos se chama clavícula), a omoplata (escápula) e o óso coracoide (que nos mamíferos só subsiste como unha apófise da omoplata e serve de sostemento ás extremidades superiores).