cizalla
(< fr cisaille)
-
s
f
-
Tipo de tesoira grande utilizada para cortar pranchas de metal en frío. OBS: Emprégase xeralmente en plural.
Ex: Houbo que buscar unha cizalla para cortar as portas do coche e sacar o condutor.
Sinónimos: cisalla. -
Instrumento formado por un brazo móbil provisto dunha coitela, suxeito a un taboleiro e que, segundo o seu tamaño, serve para cortar metal, cartón, papel ou outros materiais.
Ex: Corta as fotos coa cizalla para que che queden rectas.
Sinónimos: cisalla. -
[TECNOL]
Máquina empregada para cortar pranchas metálicas en frío. A cizalla de guillotina está constituída por unha sólida bancada provista de guías, polas que se move unha potente coitela. Na cizalla circular a parte cortante está constituída por dúas rodas superpostas, co extremo en forma de bisel, que xiran en sentido contrario.
Sinónimos: cisalla. -
[MED]
Tesoiras utilizadas en cirurxía para cortar ósos. OBS: Emprégase xeralmente en plural.
Sinónimos: cisalla.
-
-
s
f
Conxunto de retallos de metal.
Sinónimos: cisalla. -
zona de cizalla
[XEOL]
Franxa longa e estreita de rochas intensamente deformadas, situada entre dous bloques indeformados de rocha, producida polo movemento relativo dun respecto do outro. As rochas resultantes do proceso, denominadas milonitas, teñen o gran fino e presentan unha foliación moi ben desenvolvida.