codificación

Acción e efecto de codificar.

Acción de reunir nun corpo legal único, denominado código, as leis e os costumes que fan referencia a unha determinada área xurídica, a través dunha ordenación sistemática que os simplifique e os unifique. O movemento codificador apareceu no s XIX, fundamentado nas ideas racionalistas desenvolvidas no século anterior; recibiu un grande impulso a partir de Napoleón, quen procedeu á codificación do dereito privado (civil, mercantil, penal e procesal), que se difundiría amplamente entre as revolucións burguesas europeas do s XIX, aínda que non arraigou nos países anglosaxóns, nos que se coñece como common law.

Conxunto de convencións que definen a correspondencia entre xogos de caracteres asociados a un código.