coitelo

1. s m

   Utensilio consistente nunha folla, normalmente de metal, cun só fío de corte e cun mango de madeira, metal ou doutro material, que se emprega para cortar, picar, trinchar, escamar, mechar, etc. Na tradición oral recóllense ditos como: “O coitelo que non corta con poñerlle o dedo abonda. O mal coitelo non corta na carne e corta no dedo. Coitelo que non corta, que se perda pouco importa”. Ex: Este coitelo de cociña hai que afialo de novo porque xa non corta.

   Ex: Este coitelo de cociña hai que afialo de novo porque xa non corta.

2. s m [ARQUIT]

   1. Cada un dos triángulos formados por dous pares e un tirante que hai na armadura dunha cuberta.

   2. Estrutura vertical dunha cimbra.

3. coitelo de sílex [ARQUEOL]

   Peza lítica tallada de forma alongada que presenta un bordo con retoque cortante mentres que o oposto conserva o córtex.

Refráns

• Coitelo que non corta, que se perda pouco importa.
• Gábate, coitelo, que a vender te levo.
• O coitelo que non corta con poñerlle o dedo abonda.
• Un mesmo coitelo párteme o pan e córtame o dedo.