colúbrido -da

Relativo ou pertencente aos colúbridos.

Ofidio da familia dos colúbridos.

Familia de ofidios, unha das máis numerosas, con cen xéneros e mil especies, típica dos países temperados e cálidos. As súas características diferenciais están no esqueleto, onde falta a cintura pelviana, e os ósos da cara son móbiles. Teñen dentes no padal, pero non son acanalados e aínda que levan veleno, non posúen medios para inoculalo. Presentan unha forma e cor moi variables. A súa medida oscila entre os 3 e os 255 cm e posúen uns costumes moi diferentes: poden ser diúrnos, nocturnos, terrestres ou acuáticos, e viven tanto nas estepas como nas selvas. Capturan todo tipo de presas, gando mediano ou pequeno, e sobre todo animais roedores. Coñécense co nome de cobras.