Comboa, ponte

Situada sobre o río Verdugo, entre os lugares de Comboa e Romariz (Soutomaior), coñécese tamén como ponte de Soutomaior e ponte Canal. Presenta marcas de canteiro iguais ás do castelo de Soutomaior. Trátase dunha ponte do s XV con tres vans de cantería, con bóveda de medio punto e tallamares graduais. Formou parte do camiño local de Romariz a Comboa e posiblemente pertenceu á vía 19 do Itinerario Antonino.