copista

Persoa que se ocupaba de reproducir textos, documentos, obras literarias ou partituras alleas, copiándoas a man, antes da aparición da imprenta. Ás veces recorríase a copistas que descoñecían a lingua na que estaba escrita a obra ou mesmo a analfabetos, que debuxaban os caracteres. Desta maneira intentábase garantir unha reprodución do texto máis fiable, libre de sobreentendidos ou contaminacións ditadas polo manexo do mesmo código lingüístico.

Persoa que copia a obra dun artista.