cristián -á

(< lat ecles christiānu < grχριστιανός)

adx
Relativo ou pertencente ao cristianismo.

Ex: Os evanxelistas pertencen á Igrexa cristiá.
[RELIX]
1. adx e s
  Que ou quen profesa a fe en Cristo. O libro dos Feitos dos Apóstolos indica que a palabra procede da comunidade de Antioquía, en Siria, integrada por individuos de procedencia cultural helenística, alleos á relixión xudía. A finais do s II comezou a ser aceptada polos interesados e universalizouse. Chegou a ser, así, o común denominador de todas as confesións cristiás.
2. cristián antigo/vello
  Nome co que se designaba na Península Ibérica dende finais da Idade Media os cristiáns puros, fillos de cristiáns. Recibían este nome por oposición aos cristiáns novos.
3. cristián novo
  Nome co que se designaba na Península Ibérica dende finais da Idade Media os xudeus e musulmáns convertidos ao cristianismo.
s m
Calquera persoa ou individuo.

Ex: Nese afastado lugar non había nin un só cristián ó que lle preguntar.
cristián alemán
Membro da Igrexa dos Deutsche Christen.

Palabras veciñas