cronoloxía

Ciencia auxiliar da historia que ten por obxectivo establecer as datas dos acontecementos históricos. Pódense distinguir dous tipos: a pura, baseada en principios astronómicos e que ten como unidades de cómputo o ano, o mes, o día e a hora; e a aplicada, que se basea no establecemento de períodos temporais por parte da historiografía e que emprega termos como ciclo, era, período, idade e época.

Ciencia que determina a idade e a duración de cada formación xeolóxica e de cada fase de dobramentos e dos períodos entre fases. Pódese distinguir unha cronoloxía relativa, baseada na orde de sedimentación dos estratos ou de sucesión dos fenómenos, e unha cronoloxía absoluta, baseada na determinación dos anos que pasaron dende que aconteceu un fenómeno concreto. Baséase no estudo dos fósiles característicos ou ben nas técnicas de datación.

Serie de feitos relativos a un acontecemento ordenados temporalmente.