Curral

Apelido de orixe toponímica. Documéntase no s XV: “Johan do Curral” (doc ano 1454 en X. Ferro Couselo, A vida e a fala dos devanceiros. Escolma de documentos en galego dos séculos XIII ao XVI, vol II, 1967, p 58). Nese mesmo século documéntase castelanizado en documentos notariais: “Juã do Corral” (doc ano 1463 en Manuel Lucas Álvarez/P. P. Lucas Domínguez, San Pedro de Ramirás. Un monasterio femenino en la Edad Media, 1988, p 586). Tamén é moi frecuente a correspondente forma plural Currás.