debullar

1. v t

   1. Separar os grans de millo do carozo.

      Ex: A vella debullaba todos os días millo para as galiñas.

      Sinónimos: debagar, degraer, degrañar, deluvar, desbullar.

   2. Sacar os grans dos legumes das casulas.

      Ex: Debullei unhas fabas para facer un guiso.

      Sinónimos: debagar, degraer, degrañar, deluvar, desbullar.

   3. Sacar as castañas do ourizo.

      Ex: Debullou uns ourizos que había ó pé do castiñeiro.

      Sinónimos: debagar, degraer, degrañar, deluvar, desbullar, petelar.
2. v t

   1. Quitarlle a pel aos tubérculos.

      Ex: A cociñeira debullou as patacas para o caldo.

      Sinónimos: depenar, desbullar, espelicar, pelar, mondar.

   2. Quitarlle a cortiza ás arbores.

      Ex: Debullaron a sobreira e utilizou a cortiza para facer rollas.

      Sinónimos: desbullar, descascar, descortizar, escascar.
3. v t

   Gastar moito dunha forma excesiva e descontrolada.

   Ex: Debullou todos os cartos en menos dunha semana.

   Sinónimos: desbullar.
4. v t

   Comer moi rápido e con avidez.

   Ex: Coa fame que traía da longa viaxe debullou o xantar nun minuto.

   Sinónimos: desbullar.
5. v t

   Sufrir as penas ou os problemas en silencio.

   Ex: Xa dende novo debullaba para si as diferencias que tiña cos seus compañeiros.

   Sinónimos: desbullar.
6. v t

   Tratar ou falar de algo con moito detalle.

   Ex: De camiño para a festa debullaron toda a vida do seu veciño.

   Sinónimos: desbullar.

Frases feitas

• Debullar os ollos. Refregar os ollos.

• Debullarse en bágoas. Chorar moito.

Formas incorrectas