decalaxe

Desprazamento no tempo ou no espacio.

Falta de correspondencia entre os fragmentos óseos dunha fractura pola súa rotación.

Distancia entre os bordos de ataque das ás dun avión biplano, medida paralelamente á bisectriz do ángulo que forman as cordas dos planos.

Proceso de transmisión da información cando unha conta ou anunciante pasa dun director a outro, ou no seu defecto, dun membro do departamento de contas a outro.

Desprazamento de todos os elementos dunha cadea en dirección a un dos extremos. En particular, desprazamento ao longo dun certo número de posicións dos caracteres ou cifras dunha palabra en dirección a un dos extremos. Se a palabra é un número a decalaxe recibe o nome de aritmética e equivale á multiplicación do número por unha potencia (positiva ou negativa) da base. Chámaselle decalaxe lóxica a todo aquilo non aritmético; neste caso, o signo non existe e as cifras decaladas máis alá do extremo da palabra pérdense (en cambio na decalaxe cíclica as cifras perdidas localízanse de novo no extremo contrario).