decisión

1. s f

   1. Acción de decidir ou decidirse.

      Ex: O árbitro tomou unha decisión equivocada. Non adoptamos a decisión máis correcta.

      Sinónimos: determinación, resolución.

   2. Aquilo que se decidiu.

      Ex: A decisión foi unánime.

2. s f

   Calidade de decidido.

   Ex: Mostrou sempre moita decisión ó enfrontarse cos seus rivais.

3. s f [CIBERN]

   Operación dun calculador que ten como obxecto comprobar se existe unha determinada relación entre dous termos e adoptar outras posibles alternativas de acción, segundo as instrucións do programa.

4. [DER]
   1. s f

      Calquera resolución ou fallo dun xuíz ou do tribunal competente, en calquera controversia sometida á autoridade xudicial.

   2. s f

      Parte dispositiva dun acto que implica poder resolutorio nun expediente administrativo, nunha sentencia dun preito civil ou nunha causa criminal.

   3. s f

      Disposición comunitaria de dereito derivado, obrigatoria en todos os seus elementos. Non ten carácter xeral, pois é unha resposta á aplicación dunha determinada norma de dereito comunitario primario a casos particularizados, na que os destinatarios poden ser o Estado, unha empresa ou un particular. As decisións, para ser actos xurídicos vinculantes, deben emanar, do consello de ministros, da Comisión Europea, do Parlamento Europeo ou do Banco Central Europeo.

   4. s f

      Parte dispositiva dunha lei ou regulamento.

   5. decisión da Rota

      Resolución motivada que o tribunal de apelación da Rota dita nas causas eclesiásticas.

5. teoría da decisión estatística [MAT]

   Teoría matemática que consiste nunha aproximación unificadora á estatística matemática, baseada no concepto de xogo de estratexia, introducido por John von Neumann en 1928, que inclúe a estimación puntual e por intervalos, e tamén a teoría dos contrastes de hipóteses. Iniciouse co traballo de Abraham Wald, Statistical Decisions Functions (1949). Na teoría da decisión empréganse mostras aleatorias para tomar decisións fronte a incertezas respecto a diversas accións. Considérase, por unha banda, un sistema probabilizado ou dotado dunha variable aleatoria X e, por outra, o espacio A das accións que se poden tomar; entre eles existen as funcións de decisión d. O feito de escoller unha función d para substituír a verdadeira acción, introduce unha perda L e un risco. Para escoller as funcións de decisión déronse moitos criterios ou regras, chamados de decisión, que, dun xeito ou doutro, se remarcan a partir da análise do risco.

Refráns

• A quen dan en que escoller, danlle abondo que facer.
• Máis fai o que quere có que pode.
• Non falte vontá, que lugar e tempo non faltará.
• Non quedo u por non querer senón por non poder.!
• Nunca foi o acordo mellor có trasacordo.
• O caso é que caso e xa non hai máis caso.
• O gato saca as unllas, cando llas buscan.
• Soilo me aconsellei e soilo chorei.