declarar

Escoitar
declarar
O Presidente dos EE UU, Franklin Delano Roosevelt, no momento de declarar a guerra o Xapón (8 de decembro de 1941)

(< lat declarāre)

  1. v t

    1. Manifestar alguén publicamente algunha cousa.

      Ex: Declaroulles ós periodistas a destitución do primeiro ministro. A cantante declarou que se encontrara moi a gusto no concerto.

    2. Dar a coñecer algo que se mantiña oculto ou que pertencía á intimidade dunha persoa.

      Ex: Xa lle declarou o seu amor a María. Declaroulle que non sentía nada por el.

    3. Dicir alguén, perante a autoridade competente, todo o que sabe sobre os feitos que se xulgan ou se investigan.

      Ex: Declarou que el descubrira o cadáver. OBS: Nalgunhas construcións omítese o complemento e adquire valor absoluto. Ex: Declarou ás doce do mediodía. Chamárono a declarar.

    4. Comunicar pública e oficialmente o inicio dunha acción hostil.

      Ex: Os países do norte declaráronlle a guerra ós do sur.
  2. v t

    1. Comunicar á autoridade competente, especialmente nunha alfándega ou nunha situación semellante, os produtos que se transportan para efectuar o pagamento correspondente do seu imposto.

      Ex: Declarou só dúas das dez botellas de albariño que levaba. OBS: Nalgunhas construcións omítese o complemento e adquire valor absoluto. Ex: Díxolle ó garda da alfándega que non tiña nada que declarar.

    2. Manifestar a unha autoridade administrativa a natureza e a cantidade da base impoñible e os datos esixidos para o pagamento dun tributo.

      Ex: Declarou todos os seus ingresos. OBS: Nalgunhas construcións omítese o complemento e adquire valor absoluto. Ex: Ese suxeito non está obrigado a declarar a Facenda.
  3. v t

    Dar a coñecer, pública ou oficialmente, alguén que ten autoridade para facelo, a súa consideración sobre o estado ou a condición de algo ou de alguén.

    Ex: O xuíz declarouno culpable. Os expertos declararon falso o documento.
  4. v pron

    Expresar alguén o seu estado ou condición.

    Ex: Declarouse inocente do accidente. Para protestar polas medidas declarouse en folga de fame. Declarouse a favor da nova lei.
  5. v pron

    Manifestarse ou comezar a producirse algunha cousa.

    Ex: Declarouse unha epidemia de gripe. Declarouse unha tempestade en contra de todos os prognósticos.
  6. v pron

    Manifestar alguén o seu amor a outra persoa.

    Ex: Declaróuselle cun ramo de violetas.

Palabras veciñas

declarado -da | declarador -ra | declarante | declarar | declarativo -va | declaratorio -ria | declinable
Conxugar
VERBO declarar
Forma verbal: Infinitivo

Indicativo

Presente Eu
Ti
El/Ela
Nos
Vos
Eles declaro
declaras
declara
declaramos
declarades
declaran
Pretérito imperfecto Eu
Ti
El/Ela
Nos
Vos
Eles declaraba
declarabas
declaraba
declarabamos
declarabades
declaraban
Pretérito perfecto Eu
Ti
El/Ela
Nos
Vos
Eles declarei
declaraches
declarou
declaramos
declarastes
declararon
Pretérito pluscuamperfecto Eu
Ti
El/Ela
Nos
Vos
Eles declarara
declararas
declarara
declararamos
declararades
declararan
Futuro Eu
Ti
El/Ela
Nos
Vos
Eles declararei
declararás
declarará
declararemos
declararedes
declararán
Condicional Eu
Ti
El/Ela
Nos
Vos
Eles declararía
declararías
declararía
declarariamos
declarariades
declararían

Subxuntivo

Presente Eu
Ti
El/Ela
Nos
Vos
Eles declare
declares
declare
declaremos
declaredes
declaren
Imperfecto Eu
Ti
El/Ela
Nos
Vos
Eles declarase
declarases
declarase
declarasemos
declarasedes
declarasen
Futuro Eu
Ti
El/Ela
Nos
Vos
Eles declarar
declarares
declarar
declararmos
declarardes
declararen

Imperativo

Eu
Ti
El/Ela
Nos
Vos
Eles -
declara
-
-
declarade
-

Formas nominais

Infinitivo conxugado Eu
Ti
El/Ela
Nos
Vos
Eles declarar
declarares
declarar
declararmos
declarardes
declararen
Xerundio declarando
Participio declarado
declarada
declarados
declaradas