Descobrimento

Revista trimestral que saíu do prelo en Lisboa entre 1931 e 1933. Dirixida por João de Castro Osório, dedicábase á difusión da cultura e da literatura. Nas súas páxinas acolleu a novela Conceición singela do Céo, de Evaristo Correa Calderón, e unha antoloxía da literatura galega que recolle a obra de autores como Ricardo Carballo Calero, Luís V. Pimentel, Bal y Gay, Vicente Risco e Fermín Bouza-Brey.