despreocupación

1. s f

   Estado de despreocupado.

   Ex: É evidente a despreocupación dos estados máis ricos polos máis desfavorecidos.

   Antónimos: preocupación.
2. s f

   Falta de coidado ou de atención.

   Ex: Afrontar o traballo con tanta despreocupación levouno á ruína. A súa despreocupación por esta catástrofe demostra o que é.

   Sinónimos: deixamento, desinterese. Antónimos: preocupación.

Refráns

• A onde vai o mar vaian as ondas.
• Andade, chancas, que neste mundo todo é trampas.
• Ansias alleas matan os burros.
• Boca con dó non di ¡Bo!.
• Cabalo aneo non come nin se cansa e, se se cansa moito ¡alá o seu dono!
• Centeo que non has de colleitar, deixa de o visitar.
• Co mal doutro calquera dorme/pode.
• Coidados alleos matan os burros.
• Comer por forza; mastigar con maña; e o que hoxe non se fixer, mañá se faga.
• Déixate ir e xa verás o que tes que sufrir.
• Dó aneo colga dun pelo.
• Mal alleo, tal mo din, tal o creo.
• Mal alleo, tal mo din, tal o creo; mais o meu, síntoo eu de seu.
• Mal aneo colga dun pelo.
• Mal aneo, tal mo dis, tal cho creo, pero o meu síntoo eu de seu.
• Males alleos non quitan o sono.
• Manda e descoida, que non se fará cousa.
• Nese mercado non entro nin saio.
• O que non has de comer, déixao cocer.
• O que non mata, engorda.
• O que outro súa pouco me dura.
• Onde vires bullanga, vaite, para non seres testemuña nin parte.
• Se chove, deixa chover. que parar, hache parar.
• Se se creba a ola, dese mal morren todas.
• Tanto leva o diaño o roubado coma o ben gañado.
• Xa que o trigo non é meu, que o acañe quen o colleu.