diámetro

(< lat diamĕtrus < grδιάμετρος)

1. s m [MAT]
  Corda que pasa polo centro dunha figura, un círculo, unha sección cónica ou unha esfera.
2. s m [MAT]
  Liña que divide pola metade un sistema de cordas paralelas dunha curva.
3. diámetro aparente [ASTRON]
  Arco do ángulo determinado polas dúas visuais dirixidas por un observador aos extremos do diámetro dun astro; a superficie deste preséntase baixo aspecto de disco.
4. diámetro normal dunha árbore [BOT]
  Diámetro da árbore medida a 1,30 m sobre o nivel do chan.
5. diámetro primitivo [TECNOL]
  Diámetro teórico da circunferencia imaxinaria que se utiliza para calcular engrenaxes e que se correspondería co punto en que estas entran en contacto.
6. diámetros conxugados [MAT]
  Nunha cónica, un diámetro calquera e o definido por un sistema de cordas paralelas ao primeiro.
s m
Amplitude dun corpo redondo medida desde un costado ao outro pasando polo medio.

Ex: Este prato ten 20 cm de diámetro.

Palabras veciñas