Dicksonia

Xénero de fentos arborescentes, de rizoma, as máis das veces, sen ramificar, cuberto de restos das bases dos pecíolos e de pelos, así como con raíces febrosas. As frondes están pinnadas de 2 a 4 veces, cos soros -nas frondes fértiles de menor tamaño- situados nas marxes das pínnulas, protexidos por un indusio de dúas valvas. Comprende unhas 25 especies orixinarias de América, sueste de Asia, Australasia e Polinesia.