ditiosoma

Orgánulo composto por cisternas circulares aplanadas, entre 2 e 8, de entre 0.5 e 4 µm de diámetro, cada unha limitada por unha membrana sinxela. Non hai continuidade entre elas, pero conservan unha distancia mínima entre si. A súa estrutura é visible só con microscopio electrónico. Os ditiosomas amosan unha polaridade no seu funcionamento. Teñen unha cara distal, segregadora ou trans, onde constantemente se producen vesículas ata a fragmentación total da cisterna; na cara proximal, formativa ou cis, prodúcese a adición de novas cisternas, xeralmente a partir do retículo endoplasmático. Á marxe de cada cisterna, a miúdo aparece perforado polo desprendemento de vesículas. Cando a perforación é extensiva, a porción correspondente da cisterna aparece como unha rede, feito que se reflicte no nome do orgánulo. As vesículas ditiosómicas sintetizan en parte produtos do metabolismo e transpórtanos aos lugares de excreción ou acumulación. Os ditiosomas achegan todo o material que forma a matriz da parede celular (compostos pécticos, polisacáridos non celulósicos, lignina) e por iso se observan abundantemente en células en división ou en células onde o crecemento é moi activo. Os produtos acumúlanse nas vesículas ditiosómicas e cando estas chegan á membrana plasmática o seu contido libérase ao exterior por exocitose, a súa membrana fusiónase coa membrana plasmática. Do mesmo xeito, excrétanse ao exterior outros produtos. O conxunto de ditiosomas dunha célula denomínanse o nome de aparato de Golgi, e tamén reciben o nome de corpos de Golgi.