dinar

(<ár dīnār < lat denarĭu)

s m [NUMIS]
Moeda de ouro musulmá que comezou a ser cuñada a finais do s VII. Nun primeiro momento imitou os esquemas tipolóxicos e metrolóxicos bizantinos, pero a partir da reforma monetaria do califa ‘Abd al-Malik ibn Marwān (685-705), a súa tipoloxía volveuse totalmente epigráfica en árabe e o seu peso fixouse en 4,25 g. Cando se suspenderon as emisións áureas do ano 745 ao 936 en Al-Andalus, foron retomadas por ‘Abd al- Raḥmān III no ano 936, cun peso de 3,85 g.
[ECON]
1. s m
  Unidade monetaria de diversos países.
2. dinar alxerino
  Unidade monetaria principal de Alxeria (DA), dividida en 100 céntimos.
3. dinar bosníaco
  Unidade monetaria de Bosnia-Herzegovina, aínda que, debido á súa febleza, o marco alemán é a divisa circulante.
4. dinar de Bahrein
  Unidade monetaria principal de Bahrein (BD) desde 1965, equivalente a 1,86821 g de ouro fino.
5. dinar de Croacia
  Unidade monetaria principal de Croacia. En 1994 foi substituída polo kuna, equivalente a 1.000 dinares.
6. dinar iraquí
  Unidade monetaria de Irak.
7. dinar kuwaitiano
  Unidade monetaria de Kuwait.
8. dinar libio
  Unidade monetaria de Libia.
9. dinar tunisiano
  Unidade monetaria de Tunisia.
10. dinar xordano
  Unidade monetaria de Xordania.

Palabras veciñas