Dinofelis

Xénero de mamíferos da familia dos félidos, de ata 120 cm de lonxitude, de caveiros superiores moi grandes que lles sobresaían ao pechar a boca. Cazaba fundamentalmente á espreita en zonas de bosques mestos, de xeito parecido ao xaguar. En Sudáfrica conviviu cos homínidos austropitecinos dos que foi probablemente depredador. Habitou África, Asia, Europa e América do Norte dende finais do Plioceno ata mediados do Pleistoceno.