Diretmus

Xénero de peixes mariños, da orde dos bericiformes, de corpo discoidal e comprimido. Presentan aletas dorsal e anal longas e desiguais, bordeando a metade posterior do corpo. Nas costas galegas e no resto do Océano Atlántico, dende Islandia ata as augas tropicais está presente a especie D. argenteus, que se caracteriza por acadar os 40 cm de lonxitude, ser de cor castaña -os adultos- e prateada -os exemplares novos-, cos ollos grandes, a boca oblicua e a mandíbula prominente, rematada nunha espiña.