divertículo

Evaxinación ou dilatación circunscrita que pode aparecer en calquera segmento do tubo dixestivo. Cualifícase de sésil cando a comunicación entre o órgano e o divertículo é ampla, e de pediculado cando é estreita. A maior frecuencia de aparición de divertículos no home corresponde ao duodeno e ao colon sigmoide; o terceiro lugar corresponde ao esófago e despois ao intestino delgado. Os divertículos poden ser conxénitos ou ben adquiridos; poden permanecer case asintomáticos ou producir molestias pouco precisas mentres non se inflamen. Os episodios de inflamación (diverticulite) son frecuentes no intestino groso.

Parte do conduto onfalomesentérico que non sufriu regresión. Localizado no intestino delgado a unha distancia variable da válvula íleocecal, ten unha lonxitude de 2 a 20 cm.