dragalina

Máquina utilizada na dragaxe e escavación de terras. O elemento escavador é unha culler que bascula pendurada duns cables de sostemento, acompañados dunha polea fixada no extremo dunha pluma de inclinación variable (mentres que o outro extremo pivota sobre a cabina) e que é arrastrada por uns cables; a tensión destes é a que determina o ángulo de incidencia da culler durante a escavación. As dragalinas utilízanse na construción de cimentos, canais, trincheiras, diques, terrapléns e para extraer area e grava dos ríos.