drenaxe

(

1. s f
  Operación de extracción do exceso de auga dun terreno húmido a través de dispositivos ou de construcións axeitadas.
  
  Ex: Efectuaron a drenaxe do terreo para construír un aparcadoiro subterráneo.
2. drenaxe vertical
  Sistema empregado para acelerar o proceso de consolidación dun terreo ao facilitar a saída da auga intersticial da terra.
s f
1. Conxunto de medios destinados a drenar.
  
  Ex: Instalaron unha nova drenaxe no xardín.
2. [MED]
  Medida pola que queda asegurada a saída de líquidos, sépticos ou asépticos, dunha ferida ou cavidade.
  
  Ex: Fixéronlle unha drenaxe despois da operación de colon.
s f [FÍS]
1. Derivación permanente de corrente cara a unha resistencia conectada en paralelo cunha carga variable, co fin de conseguir unha mellor regulación dunha fonte de alimentación e evitar tensións excesivas en baleiro ou con pouca carga.
2. Procedemento de protección catódica, empregado especialmente contra correntes errantes.
s f [XEOL]
Evacuación das augas dunha rede fluvial.

Ex: Fixeron a drenaxe do río para efectuar a súa limpeza.

Palabras veciñas