droguete

Tecido con trama de la sobre urda de fío ou de algodón, de pouca calidade, orixinario probablemente de Poitou e que se fabricaba xa no s XVI.

Tea de seda, de la ou de algodón, con debuxos formados por tramas en espolín nas que os fíos pasaban polo revés da tea, dun debuxo a outro, sen tecer a urda. Procedentes de Francia, Inglaterra e Holanda, empregáronse como tapetes e colchas nos ss XVII e XVIII.