Dumas, método de

Método para determinar as masas moleculares relativas de líquidos volátiles mediante pesada, ideado por J. B. A. Dumas. Consiste en pesar un bulbo de vidro fino de colo longo e estreito cheo de aire a unha temperatura coñecida; despois, introdúcese unha pequena cantidade de mostra e quéntase o bulbo, de xeito que se evapora o líquido expulsando o aire. Sélase o extremo do colo, arrefríase o bulbo e pésase á temperatura coñecida. O volume do bulbo determínase enchéndoo con auga e pesándoo de novo. Se se coñece a densidade do aire, pódese calcular a masa do vapor no volume coñecido.