Ecbatana

Antiga cidade poboada dende o II milenio a C e situada en Irán, denominada actualmente Hamadān. Foi capital do imperio dos medos e dos persas aqueménidas dende o reinado de Ciro II o Grande (550 a C). Alexandre o Grande conquistouna no 330 a C e, trala conquista árabe (664), perdeu a súa importancia. Conserva, entre outros monumentos, os mausoleos de Esther e Mardoqueo e o de Avicena.