econometría

Rama da economía que aplica as técnicas matemáticas e estatísticas á resolución de problemas e á elaboración de teorías económicas. Ten como obxecto, por unha banda, empregar a análise matemática para formular a teoría económica do xeito máis conveniente para acceder á especificación empírica da estatística e, pola outra, proporcionarlle á estatística instrumentos perfeccionados no traballo concreto para os fins perseguidos pola teoría económica.