ektachrome*

Procedemento cromoxénico inventado por George Eastman entre os anos 1943 e 1946. Trátase dunha emulsión que se aplicaba a unha imaxe positiva, obtida a partir dun revelado en branco e negro. Tralo paso do revelador cromoxénico, dábase un baño de branqueo que facía desaparecer a imaxe negra e fixábase finalmente a fotografía definitiva. Despois dun proceso de dezaoito fases cos seus lavados e dun control de tempo e temperatura, producíanse os tons desexados.