Elephant Man, The

Produción cinematográfica estadounidense realizada en 1980. Foi dirixida por David Lynch e interpretada por Anthony Hopkins, John Hurt, Anne Bancroft e John Gielgud, entre outros. A película conta as desventuras dun home deforme na complicada sociedade vitoriana. Destaca pola súa fotografía en branco e negro, o traballo de maquillaxe e a banda sonora. Conseguiu oito nominacións aos Oscar, pero, finalmente, non obtivo ningún dos galardóns.