énfase

Esaxeración e posta de relevo que, con facilidade, conduce á grandilocuencia. Aplícase a todo aquel recurso que marca unha desproporción entre o referente, o pensamento, a situación ou o contexto, por unha parte, e a expresión, pola outra. Pode aparecer no nivel fonolóxico (entoación especial que recae sobre unha palabra da oración: Ti o acabas de dicir) ou tamén se pode expresar mediante construcións sintácticas específicas (Túa nai, ela si que che quere moito. Comeu ás bocas cheas).

Calquera intención particular que se pon en algo que se di e que se manifesta no ton ou no xesto ou se expresa mediante algunha das expresións enfáticas ou expletivas.