Enodio, Magnus Felix

santo (Arles 473? - Pavia 521) Escritor e orador latino. Mestre de retórica en Milán, recibiu o diaconado en 493 e foi bispo de Pavia (513). En tempos do Emperador Anastasio viaxou dúas veces a Constantinopla (515 e 517) por orde do Papa Hormisdas, co fin de achegar as dúas igrexas, a occidental e a oriental. A súa obra comprende 297 cartas e unha serie de pequenos tratados en que combina a cultura cristiá e a pagá. No martiroloxio aparece o 17 de xullo.