entoprocto

Animal invertebrado pseudocelomado, de menos de 5 mm de lonxitude, de corpo en forma de cáliz, no que se localiza o aparato dixestivo pregado, o excretor de tipo protonefridial e carece de sistema circulatorio; fíxase ao substrato mediante un pedúnculo. Aliméntanse de plancto, mediante filtración, grazas a unha coroa de tentáculos retráctiles no medio dos cales está o orificio bucal e o orificio anal. Son maioritariamente animais dioicos, aínda que tamén existen entoproctos hermafroditas, e poden reproducirse asexualmente por xemación. Poden ser solitarios ou coloniais, e as máis das especies son mariñas.