escaleno -na

Aplícase ao triángulo que ten os tres lados desiguais.

Aplícase ao cono, pirámide ou outra figura xeométrica que ten o eixe oblicuo á base.

Aplícase ao músculo profundo do pescozo, cunha parte anterior e outra posterior, de forma irregularmente triangular, con insercións nos tubérculos vertebrais cervicais e nas costelas primeira e segunda. Ten función de inspirador e de inclinador, e fixador da columna cervical.

Síndrome causada por unha hiperactividade do músculo escaleno a consecuencia da que se comprime a parte inferior do plexo braquial e a arteria subclavia. Os síntomas son moi variados, segundo o lugar e o grao de compresión.