escravo -va

(< lat tardío sclavu)

1. adx e s
  Aplícase á persoa que pertence en propiedade a outra e que carece de liberdade.
  
  Ex: Eses monumentos foron construídos por moitos escravos.
2. adx
  Relativo ou pertencente aos escravos.
  
  Ex: As pirámides fixéronse con man de obra escrava.
adx e s
Aplícase á persoa sometida ou dominada excesivamente por algo ou alguén.

Ex: Esa nai é unha escrava dos seus fillos. É un rapaz escravo da moda e gasta todos os cartos en roupa.
adx
Que soporta ben as adversidades.

Ex: Esas plantas son moi escravas, non te tes que preocupar delas.
adx
Que implica sacrificio ou moita dedicación.

Ex: A vida do campesiño é moi escrava.
s [INFORM]
Unidade de disco conectada a outra principal chamada primaria ou mestra.

Palabras veciñas