esperar

1. v t

   1. Ter esperanza de que algo suceda.

      Ex: Espero que este ano teñamos máis sorte no sorteo da lotería.

   2. Crer que sucederá algo.

      Ex: Esperaban que o barco chegara ás tres.

2. v t

   Permanecer un certo tempo indeterminado nun lugar ou nunha situación ata que chegue alguén ou ocorra algo.

   Ex: Esperareite na porta da túa casa. OBS: Nalgunhas construcións emprégase coa preposición por. Ex: Esperei unha hora polo autobús e non chegou. Cansouse e non esperou máis por seu pai.

   Sinónimos: agardar.
3. v t

   Crer ou ter certeza de que algo, xeralmente negativo, vai ocorrer.

   Ex: Espéranse fortes chuvias para esta fin de semana. Espera a confirmación do seu traslado.

4. v t

   Estar algo en perspectiva para alguén.

   Ex: Non sabedes o que vos espera ó chegar á casa.

5. v i

   Deixar pasar o tempo a que suceda algo.

   Ex: Nin lembro cánto esperamos alí.

   Sinónimos: agardar.

Refráns

• O esperar é cousa que pide paciencia é vagar.
• O que agarda polo que vén de fóra, agarda polo que vén tarde e sen hora.
• O que espera, desespera.
• Quen espera, tempo perde.
• Quen esperou o máis, que espere o menos.
• Se non chega por santa Lucía, chega para o outro día.