eudiómetro

Instrumento que se utiliza na análise volumétrica de certas mesturas de gases. Consta dunha probeta graduada, de vidro groso, con billas que pechan os dous extremos. Cando é necesario determinar a composición dunha mestura de dous gases coñecidos, introdúcese a mestura no eudiómetro xunto cun terceiro gas adecuadamente escollido, que, ao saltar unha chispa, se combina cun dos compoñentes da mestura. Se o compoñente resultante non é gasoso, determínase o volume do gas empregado, porque é medible o volume residual total.