ewe

Relativo ou pertencente ao pobo ewe.

Individuo pertencente ao pobo ewe.

Pobo africano estendido por Togo, Benin e Ghana. A súa actividade económica fundamental é a agricultura, pero practican tamén a artesanía e o comercio; sen embargo, nas rexións costeiras a pesca converteuse na súa actividade predominante. A súa organización baséase en liñaxes patrilineais e practícase con frecuencia a poligamia. A súa relixión fundaméntase na existencia dunha divindade suprema e de numerosas divindades menores, relacionadas con diversos aspectos da vida cotiá, ao redor das que se organizan a maioría dos rituais.

Lingua que pertence ao grupo kwa do phylum níxer-congo. É a lingua máis estendida en Benin e Togo, e tamén se fala en Ghana.