expulsar

Obrigar a alguén a marchar dun lugar, grupo ou colectividade.

Obrigar a saír do territorio dun país a un estranxeiro que incumpre a lexislación administrativa sobre a estranxeiría ou se considera socialmente perigoso, malia non ter incorrido en condutas delitivas. A expulsión dun axente diplomático acreditado esixe a previa declaración de persoa non grata. En situacións de conflito bélico, a expulsión dos cidadáns do país inimigo pódese declarar de xeito colectivo.

Aplicar unha sanción disciplinaria contra un participante nunha competición (deportista ou equipo), que implica a súa retirada da mesma, decretada polos árbitros ou xuíces como castigo pola comisión dunha falta grave contra a regulamentación ou pola acumulación de amoestacións por infraccións reiteradas. Nos deportes colectivos esta sanción impídelle ao expulsado continuar participando no xogo, e ao seu equipo substituílo, aínda que os rexistros que acadara ata aquel momento a prol do seu equipo se manteñen. En deportes individuais, a expulsión implica a retirada da clasificación. Pódese sinalar de distintos xeitos,  por exemplo amosando un cartón vermello.