epitaxe

Fenómeno consistente no crecemento orientado de dúas especies cristalinas diferentes. Observouse que, en xeral, este fenómeno se dá cando existe un gran parecido na forma e nas dimensións do retículo cristalino das dúas substancias, cunha marxe do 15% na variación das dimensións do retículo. Tamén se denomina epitaxia.

Técnica de crecemento de cristais consistente na deposición de átomos do material desexado sobre un substrato. Segundo a técnica de deposición distínguese entre epitaxe en fase líquida (LPE), epitaxe en fase de vapor (VPE) e epitaxe de feixe molecular (MBE). OBS: A grafía <x> representa o son [ks]. Tamén se denomina epitaxia.