Fendendo

Boletín editado a partir de maio de 1977 en Santiago de Compostela polo Movemento de Estudantes Cristiáns Galegos (MECG). O seu obxectivo fundamental era ofrecer información sobre a historia do grupo e achegarse á sociedade nun intento por limitar todas as estruturas de poder. Ademais dos contidos propiamente relixiosos, incluíu información sobre convivencias (Taizé, Ávila, Valladolid, etc), encontros con outros grupos cristiáns, bibliografía, poemas, referencias a diversos literatos galegos e artigos relacionados coa historia e a cultura de Galicia.