fenotipo

Conxunto de caracteres visibles que un organismo presenta como resultado da interacción entre o conxunto dos seus xenes (xenotipo), a través das relacións de dominancia entre os alelos, e o medio ambiente no que se localiza o organismo. Poden existir diferencias fenotípicas entre organismos co mesmo xenotipo e similitudes fenotípicas entre individuos con diferente xenotipo.

Realización concreta dun obxecto sintáctico abstracto, o xenotipo, segundo o lingüista Šaumjan. A distinción na lingua dun nivel xenotípico relaciónase coa teoría da actuación (performance) e competencia, de Noam Chomsky.