Freire

Antiga liñaxe galega que se uniu á dos Andrade, ambas as familias descendentes dos condes de Traba. Froito desta vinculación creouse a caste dos Freire de Andrade, que pasou a Portugal na Idade Media. Así, Nuño Freire de Andrade, irmán de Fernán Pérez de Andrade o Bo, foi enviado a Portugal onde chegaría a ser Mestre da orde de Cristo e titor do príncipe herdeiro. Leva as mesmas armas ca os Andrade: banda engolada en cabezas de serpe, do mesmo metal. Outra variante trae, en campo de prata, unha árbore de sinople, entre dous crecentes de goles, ranversados.