frete

(< fr fret)

s m [ECON/DER]
Prezo estipulado para un transporte de mercancías por mar, que pode establecerse en función da duración do transporte, do volume que ocupan as mercadorías no buque ou das características das mesmas. Págase normalmente no porto de destino ou, cando se establece así, no de saída. Aínda que é obrigatorio facer constar o seu importe na póliza do transporte, denominada tamén póliza de frete, e o coñecemento do embarque, o incumprimento desta norma non implica legalmente a anulación do contrato.
s m [HERÁLD]
Composición pouco usada na heráldica española, resultado de cruzar tres cotizas con tres barras diminuídas deixando ver o campo do escudo entre elas.
adx e s
1. Termo do barallete, ou xerga dos afiadores e paraugueiros, que corresponde á voz ‘frío’.
2. Termo do barallete, xerga dos afiadores e paraugueiros, que corresponde á voz ‘inverno’.

Palabras veciñas