friso

Parte do entaboamento comprendida entre a arquitrabe e a cornixa, que se emprega na arquitectura clásica. Nas ordes xónica e corintia era corrido, mentres que na orde dórica estaba formado pola alternancia de tríglifos e métopas. A decoración adoitaba ser historiada, entre outras destaca a do friso das Panateneas do Partenón.

Decoración tallada, pintada ou gravada en bandas horizontais.

Faixa máis ou menos ampla que se adoita pintar na parte inferior das paredes, e de distinta cor ca estas.

Faixa de papel pintado, drapeado, de madeira ou doutro material que se coloca na parte inferior das paredes.