fuste

Parte do tronco dunha árbore que vai dende a raíz ata a ramificación da copa.

Parte da columna situada entre a base e o capitel. Segundo as épocas e os estilos pode ser cuadrangular, helicoidal, liso, acanalado, almofadado e anelado, entre outros. Constitúe o pé dereito da columna. En principio era de madeira ou de pedra, e posteriormente pasaron a ser de ferro ou de cemento armado.

Barril grande de madeira para gardar o viño.

Cada un dos paos que se colocan no interior da colmea en forma de cruz para soster os favos.

Pinzas para extraer as castañas dos ourizos.

Termo do barallete, xerga dos afiadores e paraugueiros, e tamén dos arxinas, ou xerga dos canteiros, que corresponde ás voces ‘árbore, pao, fungueiro’.